الغلط مردود

الغـــــــــــلط مــــــــــــــــردود

سنيـن مـرت وأنا مطحـــون....والدنيـا طـاحـونة بتفـرمـنـــى

شـفـت الـذل عـلى كل لـــون....ونفسـى فى سبوبة تريحنــــى

ف الشارع سرحت ببالـــون....حــسنة يـا نـاس وتنفعـنـــــى

مسكنى الضابط مسك الهون....وع القــسم راح مجرجرنـــــى

هـــات بطــاقتـك فـــز قـــوم....بــص فـيهــا بالرجل شاطنــــى

وقعت يا مجرم يا وش البوم....شـهور ياسـىحفنى مدوخنـــى

صرخت يا عالم يا هومظلوم....نفــسى فـى عاقــل يسمعـنــــى

صباعك فى بطاقتك مبصوم....والاســـم محمد علــى حفنــــــى

نصب بنـوك فى كام مليـون....وأديــك فـى الحبس مشرفنـــــى

ضحكت ياعالـم وأنا مافـون....كـام مليــون يــارب اوعـدنــــى

شهور بألف اقسام وسجون....من قسم لسجن عسكرىيحدفنى

شاكيت التعب ما شفت النوم....مــش لاقـــى حـــد يخـلصنـــى

عرضونى على نسرو3نجوم....قـــال أسفـــين ياســى حفنـــــى

تشابه اسماء مش مفهــوم....والغـــــلط مــــــردود اعــذرنــــى

خرجت حزين البال مهموم....اشكـــــى حالـــى للـــى خالقنــــى

قــلت يارب يامـدبر الكـون....لك حكمـة ف كـل اللـــى صــابنـى

اللــــــــــى بحبـــــــــــــــه
اللى بحبه واشتاق اليه
سايـق عليا التقل ليــه
حيرنى يا ناس ف حبه
والحـيرة اخـرتهـا ايــه
اللــــى بحبه
يهنينـى بقـربه يـومــين
ويكوينى ببعاده شهرين
واشكى بس اشكى لمين
زايــــد فى دلالــــه ليــه
اللـــى بحبه
مشتـاق للجمـال والخـفـة
واتمنى اشوفه ولو صدفة
ولما اقابله يعاملنى بقسوة
ح يجــننــى بتقــله ليـــــه
اللـــى بحبه
ليــــــــه انـا اسأل وهو لأ
ليـــــــه انـا اسهر وهو لأ
وقـــلبى يحــن وقلـــبه لأ
حـــرمت اســـأل عـــــليه
اللـــى بحبه

اه من هن

ثعبان مات مسموم التــف حــــوله القــــوم

قالوا ده حادث خطير

الثعابين هى اللى بتسم وان كان ثعبان اتسم

ده امر عايز تفسير

لافى جسمه عضة سنان ولااكل فاسد كمان

بــس الدم فيه تغيير

دلونا على جحر الثعبان وهناك كل شئ ح يبان

بدل ما نتعب فى التفكير

قالوا الجحر فى بيت مرة واخده الحياة مسخرة

وبتبدل فى الرجالة كتير

وفى ليلة شافها الثعبان فى حضن جوزها بتنام

وعشيقها تحت السرير

فى لحظه افتكر حيته اللى فى ليله هجرته

ورمته بجلد التغيير

دمه البـــارد فـــار ما عــرف الليل م النهار

واتسمم ابو ناب خطير