الاثنين، 28 أبريل 2014

خروف بيخرف

أنا كنت ماشى يا خواتى
قابلنى خروف فلاتى
                          فروة سودة وليه تمام
قلت له على فين ياسى خرخر
شايفك ماشى بتتمخطر
                          قاللى مواعد نعجة جنان
ح ناكل فول على شعيره
ونروح مع بعض الحظيرة
                          وح نلعب هناك النطة كمان
أصل العيب مش عيبك
د عيب المعلم اللى سابك
                         أرجع لأخلى يومك قطران
لازم ياخروف ندبحوك
بس الأول راح نخصوك
                         أحسن تملأ البلد خرفان
حكم وقالها كبير القطيع
علشان ما تبقى خروف مطيع
                         كل حشيش وعيش التوهان
اللى معانا ده مسلم صح
واللى علينا يندبح دبح
                         وده شعارنا على طول الزمان
الصدق دايما ما تقولوش
والكدب حبيبك ما تسيبوش
                         لغيرك يفرح وتبات زعلان
أياك تستعمل عقلك يوم
تركبك كوابيس طبق اليوم
                         وتشوف نفسك مسلوق فى أزان
ومهما اقول واعيد وياك
كأنى بأدن فى مالطه معاك
                         يا أنت أهبل ياراكبك الجنان


الأربعاء، 23 أبريل 2014

سلام يا صاحبى

سلام يا صاحبى سلام
سلام واوعدك م انام
الا م ارجع قدسنا
من ايد الفجرة اللآم
سلام يا صاحبى سلام
سلام وده عهد عليا
لاوريهم صنوف الاذية
واحول حياتهم جحيم
وعيونهم ما تغمض ثانية
سلام يا صاحبى سلام
سلام يا ابن امى وابوىا
سلام ياللى فى الدم اخويا
عيش فى جنتك متهنى
كفاحنا بالدم مش بالبويا
سلام يا صاحبى سلام
سلام وقسما بالله
لادبحهم دبح الشاه
واجرعهم حميم النار
واعيد للاسلام صباه
سلام يا صاحبى سلام
سلام وده قسم الوفا
لنحرر مسرى المصطفى
ونبينا يرضى فى علاه
والقدس يملاها الصفا
سلام يا صاحبى سلام
سلام يا صاحبى سلام