حلاوة يا علاوة

ضحك علينا كبير العيلة

قال ح اديكم يا شعبى علاوة

دانتم عيلتى واهلى وناسى

وحبكم فى قلبى بيزيد غلاوة

انا قررت اسعد فقيركم

واخلى حياته آخر حلاوة

روّح يا شاطر انت وهو

واوعوا تعملوا اى شقاوة

وامر منى للشلة وكبيرها

ادفعوا ليهم بمنتهى السخاوة

انشالله يوم تبطلوا سرقه

مش خسارة فى الناس الحلاوة

ده شعب اليف ترضيه لقمة

مش زيكم يا ولاد الفجعانة

وبتنا نحلم بالهبرا كدبرا

حلم الغلابة والناس الشقيانة

وكلام الليل مدهون بزبده

وذمة حكومتنا دايما خربانة

وامرك يا كبير طلع اونطه

وخصموا من العلاوة بدل امانة

مظلوم يا شعب مع دى الحكومة

ويحسوا ازاى وبطونهم مليانة

وكفاية كلام بقى يا لسانى

بطنك فاضية وزنازنهم عمرانة

وفـــــــــــــــاء

انتـزعتنــى مـن داخـل التابــوت

و صـرخـت

لا....لا....لـــــــن تـــــموت

يـا فــارساً فــى دنيــا الأحــــلام

يـا سابحــاً فــى بحـور الهيــــام

كيـف تغــرق فــى الظـــلام

يـا شاعـراً نبضــهُ ..الكلمــــا ت

يـا معلمـــاً المــحبين..الآهــــات

لا..لـن أراك من الأمــوات

و بكــــل مــا بهــا مــن حيـــــاة

ضـمتنــــى بـقبلـة الـحيــــــــــاة

و غـسلتـنــى بدمــوع عــيناهــا

وهـدهـد ت شعـرى بيــداهـــــــا

و عـانقتنـــى بنظرة الملهـــوف

و نبض قـلبهـــا كلــه خــــــوف

و ترنمــت تهـمس بالـدعـــــــاء

آملـــــة فــــى عــون السمـــــاء

فـسرت فــى عـروقـى كلما تهــا

و نبض قـلبــــــى با سمـهــــــــا

فكُتِب علـــى صفحـــة السمـــاء

بـحروفٍ مـــــدادُهــــــا سنـــــاء

يـا ملائكيـــــة الـبسمـــــــــــــات

يـا حــــــورية جــنة الهمســــات

يـا مـن تكحلتـــــــى بالنقـــــــــاء

وتطيبتــــــى بعـطر الصفــــــــاء

صدق من أسماك.....وفــــــــــاء

اللــــــــــــــقاء

كـــــــــــــــــــــــــــلام

سمعت صوتك فى الهاتف

فايقظ فى النفس هواتف

وتكلمنا باقتضاب كالغرباء

وتساءلنا عن الاهل والاصدقاء

وترنم قلبك بهمسات الاشتياق

فطربت دقات قلبى المشتاق

وتساءل قلبى العليل

ألقاء ووصل بعد الرحيل

أتنفك طلاسم ابوابه

ويستعيد بالمحب شبابه

وومضت ذكريات الطفوله

مخترقة سنوات الكهوله

طفلان يمرحان يلهوان

يعدوان فوق روابى الازمان

خطفا البسمة من الايام

فسرقت اعمارهما الايام

وتواعدنا على الوصل واللقاء

لنستعيد البسمة بعد الشقاء

انتظــــــــــــــــار..

انتظرت كطفل ضل فى الدروب

تقاذفته امواج التيه فى الغروب

تضرع لخالق الارض والسماء

ان يهبه القدرة على تحمل اللقاء

أأرض ..القى الله رواسيها

أم أمواج.. اغرقت جواريها

أحياة زاخرة .. أم نفخ فى الصور

أم حلت.. ساعة البعث والنشور

أثوان عابرة..أم شهور ودهور

أدقات قلب.. أم قرع قوارير

لقــــــــــــــــــــــــــاء

أقبلت... ببسمة الصبى وفرحة الاحلام

أقبلت... فاستعدت الشباب من الايام

أقبلت... فتمرد القلب على سنوات الحرمان

أقبلت... فانقشعت غيوم الاسى و الاحزان

أقبلت... فاقبل الدفء والنغم والصفاء

أقبلت... فاقبلت دنيا الحب مع وفاء

..........................................................

رباعيات فلفل

يا بلد الشقى يا بلدى انت يا مصر

حكامك نهبوك عصر ورى عصر

وولادك تركوك تتعصرى عصر

ولسه حنينه وخيرك بتديه للكل

الكل سواء ساكن الكوخ او ساكن القصر

........................................................................

يا حكومة بلدنا يا حكومة يا عظيمة

حظك فى الدنيا مع شعب ابن لئيمة

بيدعى الفقر وبياكل فى خيرك ببريمة

نصيحة يا حكومة فتحى عنيك الاتنين

الجوع كافر وح تندبحى يا حكومة كالبهيمة

.....................................................................................

سيرك الحكومة

سيرك الحكومة

عامل عزومة

كرامة البلد

على لحمة راس

دى فته مالى

بدقة غالى

كل واستطعم

من بيع الغاز

حكومة عميا

سنانها حاميه

تمص ليلاتى

ف دم الناس

والصبح هبله

ماسكه طبله

تبيع البلد

بجنيه نحاس

حكومة نظيف

طوابير رغيف

اسمنت.. حديد

والشعب محتاس

الناس مطيعة

يادى الاطيعة

ف البق بلغة

ويطاطوا الراس

سنين بأهاتى

تعبت آهاتى

النخوة نايمة

مع شد الانفاس

يارب سلم

افضل مبلم

انام واصحا

بدون احساس

فاكر

فاكر...

لما عـينى بالشوق حضنت عـينيك

فاكر...

لما ايـدى بالحب نا مت بين ايد يك

فاكر...

لما رسمنا حيا تنا انت ليـا وانا ليـك

ايـوه بفكرك يا للى بغـد رك خليتنى اهجرك

فاكر...

ازاى كـلا منا كا ن .. كا ن بس با لعـــــــيون

فاكر...

ازاى طريقـنا كا ن .. كا ن هنا ك بين النجوم

فاكر...

ازاى ف حضن الليل نسينا يا روحى النـــوم

ايـوه بفكرك يا للى بغـد رك خلتنى اهجرك

فاكر...

يا نبض قلبـى ازاى سبتنــى وسط الطريـق

فاكر...

يا نهر حبى ازاى خليتنى ف حزنى غريـق

فاكر...

يا حلم عمرى ازاى طفيت ف عينى البريق

ايـوه بفكرك يا للى بغـد رك خليتنى اهجرك

واحد اثنين ثلاثة

واحد...اثنين…ثلاثة

واحــــد اتنيـــن تــلا تة … برنيطـة برنيطـة

وبـوش العـراقـى بنـى زاويـة ومقـام وحيطة

زاوية لأهـل العــروبة يقيمـوافيها الحضـــرة

ومـقام يتمسحـوا بيـه وياخـدوا منه البركـــة

وحيطة يخبطوها بدماغهم لما تفشل الخرطة

واحد…اتنين…تلا تة

واحــــد اتنيـــن تـــلا تة… النجـمـة النجـمـة

وشارون ادى العـرب مقشة وخيشة وجزمـة

مقـشــة يلمـوا بيـها كـرامتهم اللـى اتبعـترت

وخيشة يمـسحوا بيها عـهـود كـتير اتوثقــت

وجزمة يعـضوا فيها لو تصاريحهم اتهورت

واحد…اتنين…تلا تة

واحـــد اتنيـــن تـــلا تة… عـروبـة عـروبـة

كــــل عــربــى معــاه قـلم وبلــونـة وطــوبـة

قــلم ينعــى بيـه أمـة فـى كـرامتها مفجـوعة

وبلــونة ينفخ فيها بـد ل القـربة المقـطـوعة

وطـوبـة يجـرّى بيها دبابة العـدو مفـزوعــة

واحد…اتنين…تلا تة

واحــــد اتنيـــن تـــلا تة… احـــلام احـــلام

كــل عــربـى يشيل مـد فـع وقنبلـة وحســام

مـد فع يـدافع بيـه عـن نفسه ووطنه وناسه

وقنبلـة ينسـف بيـها رعــاة الشر وحراسه

وحــسام يقـطـع رقـاب حـكام كـتموا انفـاسه

واحد…اتنين…تلا

واحــــد اتنيــــن تـــلا تة… اللـــــه اللـــــه

حــب وســلام وخــير ده كــل اللــى بتمنــاه

حــب يمـلــى القـلوب مـن كـل جنس ولـون

وســلام يرفــرف يـعم كـــل أرجــاء الكــون

وخـير نزرعـة بايدينا يشبـع جيـاع البطـون

واحد…اتنين…تلا تة

واحد…اتنين…تلا تة

يا امى احن اليك

مين ح يسال عنى...ماتت خلاص امى

مين ح يحمل همى...ماتت خلاص امى

مين ح يفرح لفرحى...مين ح يمسح دمعى

مين ح يداوى جرحى...ماتت خلاص امى

لو حتى كبر سنى...لو الشعر شاب منى

لو دابت سنان فمى...محتاج حضنك يا امى

انام على رجليها...تملى الفرحة عنيها

ترفع للسما ايديها...تدعيلى بحسن الحال

نامت على ايديا...ملت الدموع عنيا

رفعت للسما ايديا...يرحمها ربنا ف الحال

تقرألى المعوذتين...تحفظنى من شر العين

اقرأ لها ياسين...شتان بين الحالين

خدتى معاكى الامان...خدتى معاكى الحنان

خدتى معاكى السلام...خدتى بركة الايام

وسيبتى لقلبى الآلام...وسيبتى لعينى الاحزان

الصادق قال لينا...امك امك امك

والمنادى نده علينا...عملك عملك عملك

ماتت من كنا نكرمك من اجلها

انا لله وانا اليه راجعون

الليل

الليل..مرقص لقلوب العاشقين

الليل..مناجاة لأرواح المحبين

الليل..صدى لزفرات المشتاقين

الليل..آهات وأنين المحرومين

الليل..نحيب وبكاء المهجورين

الليل..عويل ودعاء المظلومين

ويصفون سكونك بالبهيم

عجبا لهؤلاء الغافلين النائمين

انا انسان

لست حيوان سيدتى......لانجاب البنين والبنات

لست جماد سيدتى......القلب فى صدره مات

انا انسان سيدتى......يريد دفئ الآهات

انا انسان سيدتى......يشتاق لنار القبلات

انا حى سيدتى ......ولست من الاموات

ترمينى سيدتى بهدوء اعصابى

تنعى سيدتى فتوتى وشبابى

ونسيت سيدتى انك قطفت ازهارى

ونسيت سيدتى انك اقتلعت اشجارى

ونسيت سيدتى ان تحبينى.....

صندوق الدنيا

اتفرج يا وله اتفرج يا سلام

على لعبة الدنيا وعجايب الايام

اتغيرت ليه يا مكان......واتشقلبت ليه يا زمان

الراجل بقى اسمه شيرين......والست اسمها حمدان

اتفرج يا وله اتفرج يا سلام

سى السيد بيغسل الصحون......وع المسلسل تتفرج سيمون

وعم شـنبو بيمسح البلاط......وسنيه بترغــى فـى التليـفون

اتفرج يا وله اتفرج يا سلام

الســت لبسـت قفــطان......والراجل لبس فــستان

والهانم بتشرب شيشه......والبيه بيتشدق باللبان

اتفرج يا وله اتفرج يا سلام

شــلتوا الحـديد يا بنـات......ناقص تربـــوا شنبـــــــات

وم تلعبوش مصارعه ليه......م الرجاله لبسوا اشربات

اتفرج ياوله اتفرج يا سلام

يا ستات مالكم ومالنا......م تسيبونا نعيش ف حالنا

خدتم العصمة والشقة......ناقص بقى تخدوا اجالنا

اتفرج يا وله اتفرج ياسلام

على لعبة الدنيا وعجايب الايام

دنيا دوارة

دورى يا دنيــا دورى......وخلــــى الباشـــا خولـــــى

وحطـــى فــى التراب......جــباه اترصعـت باللولـــى

دورى يا دنيا دورى

دورى يـا دنيا الندامة......وســودى عــديم الكرامـــة

د يا مـا ناس اصيلــة......اتحكــــموا فيـــهم لمامـــة

دورى يا دنيا دورى

دورى يـا دنيـا معـلش......وغـيرى الف وش ووش

تدى ضهرك للشريف......وتفتحى دراعاتك للبيغش

دورى يا دنيا دورى

دورى يا دنيا العجايب......ورجعى الصبا للشايب

لا اللى ماشى ماشى......ولا اللــى راكـب راكـب

دورى يا دنيا دورى

دورى يا دنيا دورى......ورخصى الدهب واللولى

د كلامى سبايك دهب......وببلاش يا دنيا بعتهولى

دورى يا دنيا دورى

رباعيات فلفل

لو الشمس تطلع ولا تغبش

لو القمر يختفى ولا يظهرش

لو البحر يحلو والسمك يتنفس م الجو

تبقى صورتك فى قلبى تختفى ولا تظهرش

رباعيات فلفل

يا صاحب الحق اوعى تقول حقى ضاع

وتحط ايدك على خدك وتشتكى الاوجاع

واياك تبكـى وتندم علـى اللـى منك راح

دى الدموع م ترجع اللى يرجع بالدراع

لا عصمة الا لنبى

ليه كل كلمة عندك معركة وبتدخليهــــــا

ولازم وحتما تكونى المنتصرة فيهــــــــا

لو كل الناس حاربت ف الدنيا بعضيهـــا

قولى ع الدنيا السلام وبلاش نعيش فيهـــا

الدنيا كده هات وخد والناس للناس تلاقيها

ومحدش يقدر لوحده يعيش يا روحى فيهــا

دى معاملة الناس فنون لازم ولابد تتقنيهــــا

وزى م لينا لسان الناس يا روحى لسان ليها

لا بقول لك طاطى راسك ولا عينك اكسريها

الكلمة الطيبة صدقة ح تكسبى لو قلتيهـــــــــا

الناس صنوف وانواع فيها دهب وفيهـــــــــا

فيه ناس ف العين تنشال وناس تانيه بنرميها

وناس قلبها طيب لكن عقلها مش فيهــــــــــــا

تحدف الكلمة وعمرها م تحسب حساب ليهـــا

و دى بالذوق افهمها مش بالتعالى عليهـــــــــا

ولو بايد اقرصها ايدى التانية اطيب بيهــــــــا

وفيه ناس كلمتهم حلوة والمر دايب فيهـــــــــا

دى ناس اشترى منها وعمرى م ابيع ليهــــــا

وفيه ناس خبيثة لئيمة تزيد الكلمة وتطويهــــا

ودى من بعيد نسمعها ولا نعلقش عليهـــــــــا

وناس بغبغنات تردد كل كلمة تقوليهـــــــــــــا

ودى اعمل الف حساب وانا قدامها باحكيهــــا

وناس كلمتهم سيف صوت الحق واضح فيهــا

دى ناس من دهب خالص عمرى م افرط فيها

وكلمة حق راح اقولها ارجوك بقى افهميهـــا

كل الناس خطاءه ولا معصوم الا النبى فيهــا

شمعة و فراشة

ف ليلــة عاتمــة والريــح قارســة شمعــة بنارهـــــا
اتدثرت
جتهـــا فـراشـة طــايره بلطافــه حــست دفـاهــــــــا
حومت
عـــايزه حــيلة تدفــى بيهــا لجنحـــاتها م البــــــرد
خشبت
شــافت الشمعــة دموعهــا ســايلة قالت يا حـــرام
واتأثرت
ليــه بتبكــى ليــه بتشكــى والدمــوع ع الخــــدود
سيلت
قـالت وحــيدة ف ليلـــى شــريدة حتــى انفـاســـى
اتقطعت
الوحــدة مــرة والدمعــة جاريـة ونــارى م البـــرد
اتجمدت
دمـوعــك كـتيرة ونــارك قـليلـة وخــايفة عليهـــا
تتخمد
بقلبـى اواسـيك وبجناحــى ادفـيك قـبل م الوحــدة
تقتلك
انفاســى دابت ونـارى شاهـت والدمعــةع الخـــد
اتصبرت
نفســى فــى ضمـة منـك يازاهيـة حياتــى خلاص
انتهت
الشمعــة ناويــة تزيد لهيبهــا والساقعــة منهــــا
اتمكنت
الفراشة ظاطت فكرتها صابت والحيلة ع الشمعة
انطلت
بخفـة طـارت وع الشمعـة راحـت وفـوق نارهــا
ارتمت
الشـوق زايـد والبـرد قارس ف حـضن الشمعــة
ولعت
الشمعـة نارهـا ف الدمـع دايبة حضنت الفراشة
انطفت
ف ليلـة عاتمـة فراشة وشامعة بالمكر حياتهم
انتهت

رباعيات فلفل

ادانى الزمن مرة فى لحظة جرعة حب

انا قلت له يا زمن ده عطا من كريم القلب

ضحك الزمن وقال اوعى بعطايا تنغر

ده انا يوم م حاخد منك راح يبقى اخدى مر

القومية العربية

يا شعوب الكورة الأرضية

ابكوا القومية العربية

ويا بوش هنى امريكا

ويا اولمرت دق المزيكا

وقدم يا بريل تعازيكا

دى مصيبتنا مصيبة أويه

يا شعوب الكورة الأرضية

يا صهاينه ارفعوا النبوت

المارد العربى بيموت

ولاده سلموا سلاحهم

باعوا ماضيهم وكفاحهم

فاكرين امريكا ح تنفعهم

يا نعيش بكرامة يا نموت

يا شعوب الكورة الأرضية

يا مصرى دايما ده مصيرك

مكتوب بالنور على جبينك

ترياقك بيصحى المارد

وولادك بيلموا الشارد

وتاريخك على مجدك شاهد

والكل بيحتمى بعرينك

ياشعوب الكورة الأرضية

felfel1952.blogspot.com

Music Playlist at MixPod.com

صرخة وليد

صرخة وليد
صرخ الوليد
يعلن للعالم رفضه وآساه
صوته يعلا فى المدينة
اللى كانت يوم مدينة
و نعيق البوم فيها
غطـى على صرخة حياة
صرخ الوليد
السما بتبكى عليا
جيت للظلم ضحية
خـلق عاصية
قلـوب قاسية
ضحكة عامية
ضلت طريق الشفاة
بكى الوليد
ينادى يا أما
جوايا ضلمه
الموت بيحفر فى الخراب
صـوت الأنفجار ضمنى
نزع الحياه
سكن الوليد
صوته همسة
يا أمى لمسة
حضن ضمة
أمن رحمة
ضلمة كاحله
جوه رحمك كانت حياة
مات الوليد …………

الكابوس العربى

فزعت من نومى مهموم…على كابوس كاتم انفاسى

بــوم وغــربان بتنعـــق…والقتلــى أهلـى وناســـى

وديب مسعور بيعوى…وحكامى كلهم ف التماسى

وابنى ع الأرض يصرخ…أنياب الديب ف راســـى

والديب ف لحمى ينهش…وطفلى مقطوع الأنفاسى

وحكامى تدين وتشجب…تبكينى وتبكى على ناسى

وخـلق حـوليـا بتتفـرج…ودموعها ع الخد تواسى

لا حد منهم حاش عنى…ولا ضرب ف الكلوب كراسى

يا هــل ترى د كابوس؟…ولا ده حات كل اللى بيآسى

تاكسى غرام

انا قلبى كان تاكسى غرام

ركب حلوين اشكال والوان

وعمر سواقه م كسل يوم

ولا موتوره ركن فى مكان

انا قلبى كان تاكسى غرام

انا قلبى كان على طول مشغول

ف شوارع الحب يلف يدور

ولا فيه مره مشى يوم فاضى

وبفضى ازاى وسواقه امور

انا قلبى كان تاكسى غرام

مرة طلعت مشوار طوالى

كلمة ف ضحكة ايه اللى جرالى

وقعت ف الحب وانا واد خطير

يمكن الفرامل عايزه تغيير

انا قلبى كان تاكسى غرام

وحلفت انى م اركب تانى

غير اللى حبيته وبحبه كوانى

ولو الحلوين قالوا فاضى يا سطى

ح اقول سورى مسحوبه الرخصة

انا قلبى كان تاكسى غرام

مغامرات شاب فى السبعين

وقفت اتفرج على نفسى…..فى مرايا عندى من زمان

لقيت وشى لسه مأطأط…..والصحة كده تمام التمام

حطيت بارفام وكالونيا…..وصبغت شعرى بنى كمان

وقعدت ع القهوة اتغندر…..ابحلق لى فى كام فستان

وفى بقى لبانة باندغها…..م انا اصلى واد اولعبان

عدت قدامى السنيورة…..الوش يا هوه قمر الزمان

والعود لفته لفة تجن…..عواجيز جنبى وزى شبان

مشيت وراها وانا مبلم…..سايقنى حسنها الفتان

وف ايدى عصايتى بلفلفها…..دى ياما وقعت نسوان

فتحت خطوتها كده شويه…..فتحت وراها الخطوه كمان

بس يا خسارة يا رجليا…..الروماتيزم ماسكك من زمان

وقعت ع الأرض اتخبط…..اشكى م الألم والنهجان

بصت لى السنيورة وضحكتها…..قطعت ف قلبى العيان

قوم خد يا جدو اللى وقع منك…..بصيت لقيته طقم الشنان

آآآه يا ندم

فـى ليلـة قامـت عاركة…..بيـن شيبـــى وشبابــــى
خدت شبابى ف حضنى…..ده حبيبى وكل صحابى
وشيبـــى الله يسامحــه…..ما همــه دمعـــة عينــــى
وقـال لـــى م حـد يقـدر…..يحــول بينــك وبينــــى
شبــابك راح يوللــــى…..خـــلاص مالــوش مكان
وح نعيش سوى يا صاحبى…..اللــى باقى م الزمان
وايـــاك تحاول تهــرب…..وتعيش فـى وهم خيـــالك
ح تقضـى عمرك تندم…..على اللــــى راح يجرالك
د معايا صورتك ح تكبر…..وتكبر ف عيـون الناس
ومعــاه لسة صغــير…..فــرفــور قـــوى وحســــاس
معـــاه العـــود مشـدود…..والصحــــة تهــــد جبــــال
والــوش جــميل الصورة…..وف العشـــق واد خيـــال
الصحة ف يوم ح تروح…..والصــورة راح تتكرمـش
واللـــى حــبتك امبـارح…..بكـــرة تشوفـــك وتطـــنش
معـــاك ح امشــى بعصايا…..واخلـــــع كــــل السنـان
والضـــهر منـى ينحنـى…..وابقــــى بقايــــا انســـــان
معاه ح تمشى بعصيانك…..وتشيل على ضهرك ذنوب
والضــهر منــك ينحنـى…..د انا فرصـة عشان تتــوب
ح تعــيش معــايا ايــام…..تتقــــرب فيهــــا لربـــــــــك
تذكـــر قـــبل م تنــام…..وتصلـــى الســنة وفرضــــــك
وايـــاك تكـــون نسـيت…..انك ف يـــوم ح تقابلــــــــه
وتقف قدامــه وحـــيد…..وكــل اعضــائك ح تبوح لـــه
لقيــت كلامه مظبوط…..ودى فرصــة اعـيد حساباتــى
د انا كنت واد نمـــــرود…..مــش شايف غــير لذاتـــى
خلاص ياشيبــى سمــاح…..ح اعــيش معــاك ندمــــان
ويارتنــى اخدتك صاحب…..من اول يــوم ف الزمـــان

الحب المجنون

الحب المجنون
افترقنا
ولم ندر لما الفراق
وتلاقينا
فما احلى اللقاء
تعانقت عينانا
تحدثت يدانا
حديت المشتاق للمشتاق
وتمتمت شفاتنا
تبحث عن الكلمات
واغرورقت عينانا
بالعبرات
وغرقنا
فى بحر السكون
وتركنا
الكلام للعيون
وعاتبتنى وعاتبتها
وساءلتنى وساءلتها
لم الحرمان والشجون
كيف ذبحنا قلبينا
بالشك والظنون
وانطلقت من القلب
آآآآآآآآآآآآآآة
تلعن الحب المجنون
محمد فلفل

ضحكة مهمومة

يا ماشى وعينك مليها الهموم......قــول لــى فيــن راحــت بســـــمتك


وليه الاسى والحزن والشجون......بقـــوا زادك ف حيــاتك ودنيتــــك


وازاى ضحكة قلبك كـل يــوم......تاهـت م عرفـت يـا عينــــى سكتـك


بص لى ودمـوع العـين سبقاه......الضحـك ف الزمن ده بقــى غـالــى


وبعد م كنت ع الرصيف بلقاه......وباخده بلاش من حبايبى وعـزالى


قالوا لى اشتريه قلت انا آآآآه......م هو سبب الدمـوع الجـيب الخالـــى

عين فى الجنة وعين فى النار

عين فى الجنة وعين فى النار

عين فى الجنة وعين فى النار

وانــا بينــهم بقــيت محتـــــار

عين نظرتها للجمال تسبيح

وعين بصتها للحريم تجريح

عــين بتــقول النظـرة حـرام

وعين بصتها راكبها شيطان

عــين بتغض النظرة عفاف

وعين بتبحلق فى الشفــاف

عين نظرتها سماحة وعفة

وعين بصتها جبن وخـسة

عــين نظرتها فـيها اكبــار

وعـين بصتها تطق شـرار

عين نظرتها فيها اخـلاص

وعين يندب فيها رصاص

عين تدعـيلك بحسن الحال

وعـين تتمنـى للنعمة زوال

عــين قـنوعة بقـوت اليـوم

وعين م يكفيها مال قارون

عين نظرتها اجلال وتسامى

وعين بصتها كبر وتعالى

عين نظرتها حنان ورافة

وعين بصتها ملياها القسوة

ومهما قالـوا وعـادوا مرار

دنيا العـيون مليانه اسـرار

ودى عين فى الجنة وعين فى النار