مين ح يسال عنى...ماتت خلاص امى
مين ح يحمل همى...ماتت خلاص امى
مين ح يفرح لفرحى...مين ح يمسح دمعى
مين ح يداوى جرحى...ماتت خلاص امى
لو حتى كبر سنى...لو الشعر شاب منى
لو دابت سنان فمى...محتاج حضنك يا امى
انام على رجليها...تملى الفرحة عنيها
ترفع للسما ايديها...تدعيلى بحسن الحال
نامت على ايديا...ملت الدموع عنيا
رفعت للسما ايديا...يرحمها ربنا ف الحال
تقرألى المعوذتين...تحفظنى من شر العين
اقرأ لها ياسين...شتان بين الحالين
خدتى معاكى الامان...خدتى معاكى الحنان
خدتى معاكى السلام...خدتى بركة الايام
وسيبتى لقلبى الآلام...وسيبتى لعينى الاحزان
الصادق قال لينا...امك امك امك
والمنادى نده علينا...عملك عملك عملك
ماتت من كنا نكرمك من اجلها
انا لله وانا اليه راجعون
ليست هناك تعليقات:
إرسال تعليق