ضحك علينا كبير العيلة
قال ح اديكم يا شعبى علاوة
دانتم عيلتى واهلى وناسى
وحبكم فى قلبى بيزيد غلاوة
انا قررت اسعد فقيركم
واخلى حياته آخر حلاوة
روّح يا شاطر انت وهو
واوعوا تعملوا اى شقاوة
وامر منى للشلة وكبيرها
ادفعوا ليهم بمنتهى السخاوة
انشالله يوم تبطلوا سرقه
مش خسارة فى الناس الحلاوة
ده شعب اليف ترضيه لقمة
مش زيكم يا ولاد الفجعانة
وبتنا نحلم بالهبرا كدبرا
حلم الغلابة والناس الشقيانة
وكلام الليل مدهون بزبده
وذمة حكومتنا دايما خربانة
وامرك يا كبير طلع اونطه
وخصموا من العلاوة بدل امانة
مظلوم يا شعب مع دى الحكومة
ويحسوا ازاى وبطونهم مليانة
وكفاية كلام بقى يا لسانى
بطنك فاضية وزنازنهم عمرانة
هناك 33 تعليقًا:
تعرف ياعم محمد إنهم لو لغوا حكاية العلاوات دى يمكن حالة السوق تستقر شوية .. ساعتها التجار مش حايلاقو سبب وجية لرفع الاسعار بمناسبة و غير مناسبة
و كدة ولا كدة مانتا عارف مالناش ماحنا مش ميرى
أنا عن نفسى مبسوطة إن مافيش علاوة
لأن لما بيطبقوا العلاوة بناخدها باليمين وندفع أضعافها بالشمال لأن أسعار كل حاجة بتغلى على حس العلاوة
تحياتى
انا عارف يا خالد ان نصيبنا من العلاوة مص الصوابع وعلى كل حال الحمد لله على نعمة الصح كح كح كح ـة..
الاخت العزيزة صدى الصمت صحيح ان اى زيادة بتتعطف بيها الحكومة علينا بتكون وبال فوق دماغنا لكن الجعان دايما بيحلم بسوق العيش..
السلام عليكم
ذي بدأ أشكرا سيدتي لمرورك علي صفحات مدونتي
حسبنا الله ونعم الوكيل فيمن جار علي حق الشعب
زجلك جميل سيدي
ويكون لي الشرف أن أتواصل معك
كلامك في الصميم
واسلوبك جميل جدا
ربنا يعينكم على الحكومة وعالمعيشة الصعبة
وعقبال ما تاخدوا علاوات حقيقية
بالتوفيق يارب
شجر الليمون الف شكر لتلبيتك دعوتى وانشاء الله يدوم التواصل بيننا
الاخت العزيزه نوارةشاكر لك مرورك العبق وشاكر لك تعليقك الجميل ومع دوام التواصل لك تحياتى..
صباحك سكر
فى الاول احب اشكر حضرتك لزيارتك مدونتى المتواضعة اللى كانت سبب فى معرفتى بمدونة حضرتك الرائعة
ان شاء الله يدوم بيناا لتواصل
طيب ماهو دايما احنا بينضحك عليا يا استاذنا و المشكلة اننا عارفين كدا بس اهوا بنحاول نكدب نفسنا
علاوة من هنا وراه ارتفاع فى الاسعار وكان الغلاوة دى خلاص هتغنى الموظف وهى يا خسارة لا راحت ولا جات
تسلم ايدك والله
تقبل اعجابى باسلوبك الرائع فى الكتابة
تحياتى
يويو
الاخت العزيزة يويو الف شكر لتلبيتك دعوتى كما اشكر لك اطراءك الجميل وانشاء الله يدوم التواصل بيننا ..
اولا انا باشكر حضرتك جدا على كلامك
ليا وانا اتشرف طبعا بوجودك عندى ووجودى هنا
وان شاء الله يدوم التواصل
اما عن تعليقى ل حلاوة يا علاوة
فى التعليق القادم
اسماء واحلام فى وجدانى
احمد
رغم انى لسه لا اخدت علاوه ولا حتى مرتب ولا يعنى بحلم انى اشبرق نفسى بيهم
الا انى زعلت اوى لما حسيت ان العلاوه هتطلع فاشوش
يلا هى يعنى كات هتعمل ايه 5 % ولا حتى 50% الاسعار والايجار وكل حاجه بتزيد اضعاف كتير والمصريين ماشيين ببركه ربنا
تشرفت بزيارتك لمدونتى واتمنى تكرار الزياره
السلام عليكم
أنا هنا لوداعكم
وشكرا لتواجدكم علي صفخات مدونتي
إيه الكلام ده يا عم إنت
اعتبرني ولا جيت هنا ولا عديت خالص
هههههههههه
تسلم إيدك
الاخ العزيز احمد شاكر لك تلبية دعوتى بس مش عارف ليه تعليقك لم يظهر ؟؟!!! المهم الجايات اكتر ولك تحياتى
الاخت العزيزة بندقه شكرا لزيارتك وانشاء الله اشوفك مستنيه العلاوة زينا ولك تحياتى
الاخ الحبيب احمد الصعيدى كما قلت لك خليك صعيدى والى اللقاء
الاخ الحبيب دكتور ياسر لك كل الشكر لمرورك الطيب وبعد قراءتى لاخر اعمالك سوف اكون زبون مستديم فى الصيدلية اقصد فى مدونتك ولك تحياتى
انا جيت البى دعوتك
واشكرك عليها
وان شاء الله تدوم الزيارات
هو كدة بالظبط
أسكت يا لسانى
عشان انت عارف المثل بيقول ايه
لولاك يا لسانى ما انسكيت يا قفايا
خلينا حلوين اوى كدة وبلا علاوة بلا دناوة
دة حتى الفلوس مسكها كتير بيجيب حساسيه وأمراض جلديه
جميل جدا الزجل الرائع دة
تحياتى لك
الاخت العزيزة شاكر لك تلبية الدعوه وانشاء الله يدوم التواصل مع تحياتى..
أستاذنا الفاضل..
مدونتك أكثر من رائعة وتحمل فكراً راقياً ..
وتناقش قضايا يعاني منها الجميع
رائع أنت وأكثر
استمر
شكرا لزيارتك لي ومساندتي هناك
احترامي ويشرفني أن أ؟تواصل مع حضرتك
ليه يا سادة تعاهدنا على السمع والطاعه؟؟؟
للحفاظ على الجهل والتخلف والغلاسة والنطاعة
والكذب بكل اخلاص وصدق وحرفنة وبراعــــــة
والعمل بقوة وجدية فى الهيافة والاضاعـــــــة
ومحاربة الابداع ونشر الصراع بما يضعـف المناعة
وقتل الوقت وزرع المقت والكره والنفوس الملتاعة
والتقهقر للوراء وان مشينا نكون فى منتهى اللكاعة
ونشر الفحش وارتكاب الجرائم بكل الخســـة والشناعة
الاخت الفاضلة جارة القمر اشكر لك مرورك الرائع وانشاء الله يستمر التواصل بيننا ولك تحياتى
قال سحتوت كلما اكلت السحت هدأت نفسى وارتحــــت
قلت له انه هدوء مؤقت بل قل ولعت جسمى وسحــــت
فالحرام انتقام من نفسك وخراب لبيتك هكذا قلت وبحت
فلا تخدعك الدنيا فانها دنيه فدعها عنك وقل استرحــــت
ولا تحمل نفسك ذنوب وكروب بما نهبت وبما استبحت
فالناهب منهوب ذات يوم وتبقى الذنوب ذنوب ومقــــت
والمستبيح مستباح ولا ترتاح حتى تسدد ما قد سرقتــــت
فسارع وسدد الحقوق لاصحابها فلم يعد هناك وقـــــــت
وقل للحق والعدل والانسانية نفسى هفت واشتقـــــــــت
===============
ناجح يوسف فهمى
كيفك يارب تكون بالف خير
حبيت اسلم عليك واطمن على صحتك
دمت بالف خير
الله الله الله
بجد رائعه
اسف على تاخري الشديد في زيارة مدونتك لكن بجد م اجمل ما قرات
وفعلا على راي عاشقة الورد
كويسانهم لغوا العلاوة لانه بعد اي علاوة او زيادة مرتبات بيرفعوا الاسعار
بكرر اسفي على تاخري في زيارة مدونتك
اقتصر دورنا على تجميل القبح وليس تغييره
ولنا ابداعات بديعة فى تسويق القبح وتسيره
اما الجمال فشجره مال وكعب داير تم تدويره
برجال بقوة الافيال وعقل البغال تم تــصـد يره
و بقية الخيال الخالى من الاستهبال يتم تحويره
ليصب فى خانة قبح تقبح وبالحسن يتم تصويره
============
ناجح يوسف فهمى
وعجبي
انا بحب اوي النوعيه دي من الكتابه
اتمنى اقرالك المزيد
تقبل مروري
تأخرت كثيراااااااااا
أين هو الجديد ؟؟؟
برافو نوارة
تحياتى
جميلة جدا المدونة، واسلوبها بسيط ومفهوم، و الحدق يفهم :) .. و انا عجبني اوي فلفول و ربنا يخليهولنا ..
(هبة محمود)
إرسال تعليق