صرخة وليد

صرخة وليد
صرخ الوليد
يعلن للعالم رفضه وآساه
صوته يعلا فى المدينة
اللى كانت يوم مدينة
و نعيق البوم فيها
غطـى على صرخة حياة
صرخ الوليد
السما بتبكى عليا
جيت للظلم ضحية
خـلق عاصية
قلـوب قاسية
ضحكة عامية
ضلت طريق الشفاة
بكى الوليد
ينادى يا أما
جوايا ضلمه
الموت بيحفر فى الخراب
صـوت الأنفجار ضمنى
نزع الحياه
سكن الوليد
صوته همسة
يا أمى لمسة
حضن ضمة
أمن رحمة
ضلمة كاحله
جوه رحمك كانت حياة
مات الوليد …………