رباعيات فلفل

ادانى الزمن مرة فى لحظة جرعة حب

انا قلت له يا زمن ده عطا من كريم القلب

ضحك الزمن وقال اوعى بعطايا تنغر

ده انا يوم م حاخد منك راح يبقى اخدى مر

القومية العربية

يا شعوب الكورة الأرضية

ابكوا القومية العربية

ويا بوش هنى امريكا

ويا اولمرت دق المزيكا

وقدم يا بريل تعازيكا

دى مصيبتنا مصيبة أويه

يا شعوب الكورة الأرضية

يا صهاينه ارفعوا النبوت

المارد العربى بيموت

ولاده سلموا سلاحهم

باعوا ماضيهم وكفاحهم

فاكرين امريكا ح تنفعهم

يا نعيش بكرامة يا نموت

يا شعوب الكورة الأرضية

يا مصرى دايما ده مصيرك

مكتوب بالنور على جبينك

ترياقك بيصحى المارد

وولادك بيلموا الشارد

وتاريخك على مجدك شاهد

والكل بيحتمى بعرينك

ياشعوب الكورة الأرضية

felfel1952.blogspot.com

Music Playlist at MixPod.com

صرخة وليد

صرخة وليد
صرخ الوليد
يعلن للعالم رفضه وآساه
صوته يعلا فى المدينة
اللى كانت يوم مدينة
و نعيق البوم فيها
غطـى على صرخة حياة
صرخ الوليد
السما بتبكى عليا
جيت للظلم ضحية
خـلق عاصية
قلـوب قاسية
ضحكة عامية
ضلت طريق الشفاة
بكى الوليد
ينادى يا أما
جوايا ضلمه
الموت بيحفر فى الخراب
صـوت الأنفجار ضمنى
نزع الحياه
سكن الوليد
صوته همسة
يا أمى لمسة
حضن ضمة
أمن رحمة
ضلمة كاحله
جوه رحمك كانت حياة
مات الوليد …………

الكابوس العربى

فزعت من نومى مهموم…على كابوس كاتم انفاسى

بــوم وغــربان بتنعـــق…والقتلــى أهلـى وناســـى

وديب مسعور بيعوى…وحكامى كلهم ف التماسى

وابنى ع الأرض يصرخ…أنياب الديب ف راســـى

والديب ف لحمى ينهش…وطفلى مقطوع الأنفاسى

وحكامى تدين وتشجب…تبكينى وتبكى على ناسى

وخـلق حـوليـا بتتفـرج…ودموعها ع الخد تواسى

لا حد منهم حاش عنى…ولا ضرب ف الكلوب كراسى

يا هــل ترى د كابوس؟…ولا ده حات كل اللى بيآسى

تاكسى غرام

انا قلبى كان تاكسى غرام

ركب حلوين اشكال والوان

وعمر سواقه م كسل يوم

ولا موتوره ركن فى مكان

انا قلبى كان تاكسى غرام

انا قلبى كان على طول مشغول

ف شوارع الحب يلف يدور

ولا فيه مره مشى يوم فاضى

وبفضى ازاى وسواقه امور

انا قلبى كان تاكسى غرام

مرة طلعت مشوار طوالى

كلمة ف ضحكة ايه اللى جرالى

وقعت ف الحب وانا واد خطير

يمكن الفرامل عايزه تغيير

انا قلبى كان تاكسى غرام

وحلفت انى م اركب تانى

غير اللى حبيته وبحبه كوانى

ولو الحلوين قالوا فاضى يا سطى

ح اقول سورى مسحوبه الرخصة

انا قلبى كان تاكسى غرام

مغامرات شاب فى السبعين

وقفت اتفرج على نفسى…..فى مرايا عندى من زمان

لقيت وشى لسه مأطأط…..والصحة كده تمام التمام

حطيت بارفام وكالونيا…..وصبغت شعرى بنى كمان

وقعدت ع القهوة اتغندر…..ابحلق لى فى كام فستان

وفى بقى لبانة باندغها…..م انا اصلى واد اولعبان

عدت قدامى السنيورة…..الوش يا هوه قمر الزمان

والعود لفته لفة تجن…..عواجيز جنبى وزى شبان

مشيت وراها وانا مبلم…..سايقنى حسنها الفتان

وف ايدى عصايتى بلفلفها…..دى ياما وقعت نسوان

فتحت خطوتها كده شويه…..فتحت وراها الخطوه كمان

بس يا خسارة يا رجليا…..الروماتيزم ماسكك من زمان

وقعت ع الأرض اتخبط…..اشكى م الألم والنهجان

بصت لى السنيورة وضحكتها…..قطعت ف قلبى العيان

قوم خد يا جدو اللى وقع منك…..بصيت لقيته طقم الشنان

آآآه يا ندم

فـى ليلـة قامـت عاركة…..بيـن شيبـــى وشبابــــى
خدت شبابى ف حضنى…..ده حبيبى وكل صحابى
وشيبـــى الله يسامحــه…..ما همــه دمعـــة عينــــى
وقـال لـــى م حـد يقـدر…..يحــول بينــك وبينــــى
شبــابك راح يوللــــى…..خـــلاص مالــوش مكان
وح نعيش سوى يا صاحبى…..اللــى باقى م الزمان
وايـــاك تحاول تهــرب…..وتعيش فـى وهم خيـــالك
ح تقضـى عمرك تندم…..على اللــــى راح يجرالك
د معايا صورتك ح تكبر…..وتكبر ف عيـون الناس
ومعــاه لسة صغــير…..فــرفــور قـــوى وحســــاس
معـــاه العـــود مشـدود…..والصحــــة تهــــد جبــــال
والــوش جــميل الصورة…..وف العشـــق واد خيـــال
الصحة ف يوم ح تروح…..والصــورة راح تتكرمـش
واللـــى حــبتك امبـارح…..بكـــرة تشوفـــك وتطـــنش
معـــاك ح امشــى بعصايا…..واخلـــــع كــــل السنـان
والضـــهر منـى ينحنـى…..وابقــــى بقايــــا انســـــان
معاه ح تمشى بعصيانك…..وتشيل على ضهرك ذنوب
والضــهر منــك ينحنـى…..د انا فرصـة عشان تتــوب
ح تعــيش معــايا ايــام…..تتقــــرب فيهــــا لربـــــــــك
تذكـــر قـــبل م تنــام…..وتصلـــى الســنة وفرضــــــك
وايـــاك تكـــون نسـيت…..انك ف يـــوم ح تقابلــــــــه
وتقف قدامــه وحـــيد…..وكــل اعضــائك ح تبوح لـــه
لقيــت كلامه مظبوط…..ودى فرصــة اعـيد حساباتــى
د انا كنت واد نمـــــرود…..مــش شايف غــير لذاتـــى
خلاص ياشيبــى سمــاح…..ح اعــيش معــاك ندمــــان
ويارتنــى اخدتك صاحب…..من اول يــوم ف الزمـــان

الحب المجنون

الحب المجنون
افترقنا
ولم ندر لما الفراق
وتلاقينا
فما احلى اللقاء
تعانقت عينانا
تحدثت يدانا
حديت المشتاق للمشتاق
وتمتمت شفاتنا
تبحث عن الكلمات
واغرورقت عينانا
بالعبرات
وغرقنا
فى بحر السكون
وتركنا
الكلام للعيون
وعاتبتنى وعاتبتها
وساءلتنى وساءلتها
لم الحرمان والشجون
كيف ذبحنا قلبينا
بالشك والظنون
وانطلقت من القلب
آآآآآآآآآآآآآآة
تلعن الحب المجنون
محمد فلفل

ضحكة مهمومة

يا ماشى وعينك مليها الهموم......قــول لــى فيــن راحــت بســـــمتك


وليه الاسى والحزن والشجون......بقـــوا زادك ف حيــاتك ودنيتــــك


وازاى ضحكة قلبك كـل يــوم......تاهـت م عرفـت يـا عينــــى سكتـك


بص لى ودمـوع العـين سبقاه......الضحـك ف الزمن ده بقــى غـالــى


وبعد م كنت ع الرصيف بلقاه......وباخده بلاش من حبايبى وعـزالى


قالوا لى اشتريه قلت انا آآآآه......م هو سبب الدمـوع الجـيب الخالـــى

عين فى الجنة وعين فى النار

عين فى الجنة وعين فى النار

عين فى الجنة وعين فى النار

وانــا بينــهم بقــيت محتـــــار

عين نظرتها للجمال تسبيح

وعين بصتها للحريم تجريح

عــين بتــقول النظـرة حـرام

وعين بصتها راكبها شيطان

عــين بتغض النظرة عفاف

وعين بتبحلق فى الشفــاف

عين نظرتها سماحة وعفة

وعين بصتها جبن وخـسة

عــين نظرتها فـيها اكبــار

وعـين بصتها تطق شـرار

عين نظرتها فيها اخـلاص

وعين يندب فيها رصاص

عين تدعـيلك بحسن الحال

وعـين تتمنـى للنعمة زوال

عــين قـنوعة بقـوت اليـوم

وعين م يكفيها مال قارون

عين نظرتها اجلال وتسامى

وعين بصتها كبر وتعالى

عين نظرتها حنان ورافة

وعين بصتها ملياها القسوة

ومهما قالـوا وعـادوا مرار

دنيا العـيون مليانه اسـرار

ودى عين فى الجنة وعين فى النار

فار الحاجة

فــــــــــــــارالحــــــــاجة

ابويا فــى يـوم ندهلـــــــى......الحقنى بسرعة ياابنى

فــار فى البيت مدوخنــــى......لامك ح تسيب الــدار

اخــدت معــــايا شومـــــه......وحتة كاوتش مبرومه

وكمـــان حــديدة قـديمــــــــــه......وهجمت كالمغوار

وقــفت وســط الصـــــــــــاله......وصوتى كالصفارة

صحيــت جـيران الحـــــــارة......انت فـــين يا فــــار

خــبط يــمين وشمـــــــــــــال......وكسرت كام تمثال

وكمـان طـبق كريستــــــــال......ورث جدتــى جلنــار

وجريت من اوضه لاوضه......اخبط على كل حيطـه

وعمــلت فى البيت زيطه......فشـــر فـــرح بمزمــــار

امــى قـالت لــى ياحمــاده......كــــفايه كـــده بزيــــاده

ح اجــيب قطــه صيـــاده......احسن م البيــت ينهــــار

مش ممكن منى ح يهرب......ده لو شافنى ح يتكهرب

ولوحـده منــى ح يــقرب......وافعصه زى الصرصار

وفـجأة الفـــار نـط وفـط......خلى عقلى من راسى شط

وفطيــط م الشبـاك فــط......وبلغـــــت م البيــت فـــرار

فين السميعة

خرتيت غنــى فــى الغابة......سمعــت صــوته الديــابــــــة

قالت ده حمار مدبــوح

القـــرد نط يطقـــــــــــــس......قـــابل الـــدب الافطــــــــــس

تحت الشجـــر بيــنوح

قـــال سلامــات يا باشـــا......يــا مهلبــيه قـــوى وبغاشـــة

مال الصوت مبحــــوح

قــال الخـرتيت بيغنــــــــى......اكــــل السمــــيعة منـــــــــى

والقلب منه مجــــــــروح

القـرد ضـرب شقلبـــــــاظ......وقـــال بـاظ الغنــــــــى بـاظ

ح اغنى ف اعلاها سطوح

شريط والتانى بقى مشهور......بعد م كان ف الغابة مغمور

وسمــــى نفســه الانزوح

ويـا عينــى عليك يا زمان......لمـــا يغنــــــى الثعــــــــبان

والرقابة تقول مسموح

اختى المسلمة

يا لابسة الحجاب والهدوم عليك لازقه

استرتش وبضى والاصه ع الجبين نازله

طب ليه الحجاب وكل حته فيك بارزة

الحجاب فريضه مش موضه ولمواخذة

وانتى يا منقبة ورسمة العين دباحه

والبرفانات فى كل خطوة منك فواحة

ليه النقاب وانت مش ملتزمه بصراحة

النقاب ده ستر وعفه مش منظره واباحه

فيه محجبات كتير حجابهم على الاصول

ومنقبات ملتزمات زى زوجات الرسول

اخرسوا السنة كادت على الاسلام تطول

فهنيئا رضا ربهم وحب سيدنا الرسول

اسير الهوى

طــار اليهــا اشتياقــا بعدما......اضنـــاه البعـــاد والتسهيــــــــــــد

فقالت اسعــدنى قلبك ولـم تدر......ان قلبـــى بهــا هـو السعيــــــد

فيـا قلبـى هـل تمنيت يومـا ان......تسعـد بلقــى قلبهــا الفريــــــد

وهل غـنت دقاتك بهــواها......طربا وهــل كنت حـقا سعــــــــيد

فعش وحيدا اومت فى هواها......فيالك من صدى يعشق الترديد

يا مليـكة الفؤاد ارحمى قلبا......فـــى اســر هــواك من العبيـــد

ان اطلقتـه حـرا فيـاله مـن تعيــــــس فى صحراء هجرك شريد

يترآىاســرك فـى البعد سـرابا......فيــلهث زاحفـا لاسر جديـد

وان ابقيته فعبد هـو لهـواك......يتمنى الموت فى غرامك شهيد

ليحيى فى قلبك آآآه خالدة......تتردد فــى انفاسك مـع التنهيــــد

حكايتى مع المدام

راح احكـــى لكم حكابة لبهـــا العجب يا اولاد

حكـــاية شاب متغندر محـــبوب بين الغيـــــاد

ف الحـــسن الله اكبر يتغنـــى فـــيه مــواويل

الــوش ابيض مـــدور والعين بلــون النـــيل

عشــق من بنات حــوا امـــارات وشرباتات

البيضة والسمرة والشقرة وياروحى ع الامحيات

وفــى ليلــــة عقـــله غـــاب وتاه عــن الدنيا

قـــال الفتــــى يا امــــى نفســـى اخش دنيــا

اختــار مـين ولا مـين كلـهن ف الحسن آيات

قــالت له تقعـد ع البساط وتختار ست البنات

محروس يا ابنــى م العـــين انا اخترتلك عزة

مليــحة ياابنــى وزين وباين عليهـــا منكسرة

انا كــنت مخــبول ولا اكـــلت طــاطـــورة

شبكتهــا ويـوم الدخلة اخـدت وياها صورة

ويا فرحـــة ما تمت خـــدها الغراب وطـــار

شـهر ورى التانــى العــقل من تصرفتها طار

الست فــــاكرة الجــواز حروب ومعــــارك

والشـــاطر اللــــى يبقــى فوق التانى راكب

رضـــى الفتـــى بحاله ورضخ للست حرمه

وعـــاش حيـــاته ياعينـــى مغلوب على امره

وقـــال بلاش تخلــــى حيــــاتك غــــم وطين

دول مهمــــا كـــان ناقصـات عـــقل وديــــن

شـــاف الفتــــى ولاده تربيتهــــم فـــــل وزين

وف قلبهـــا نايــمين ومغطيـــاهم برمش العــين

وبيتــه نضيف ومترتب ورحتــه مســك وعـنبر

وهدومه مغسوله ومكوية والاكل محمر ومشمر

ولمــا الحــال مال بيـه مـدت ايدهـا فـــــى ايده

وحـــاربت معـــاه الدنيـــا لاجــل بيتهـــا وبيته

ست بمليـــــون راجـــل لكــن خسارة يا نـاس

لحد قلبـــه هــو ويضيـــع منهــا الاحســــاس

واحتــــار الفتـــى لحاله واحتارت الناس ليه

د حــــب ولا كـــــره ولا ايــــــه يســـــميه

وعـــــاش الفـــــتى بنتظر يحن عليه الزمان

يحس بيه قلبها او قلب تانى يعوضه الحرمان

سيدة الاحجار

من قال ان الحب يهب كالاعصار

يحطم قلوب المحبين صغار وكبار

لم يعرف ان قلبك سيدتى

فولاذى الجدار

من قال ان الحب ليس منه فرار

يجذب القلوب كالفراشات للنار

لم يدر بانك سيدتى

زئبقية الفرار

من قال ان الحب يسكن الاوتار

تخترق نغماته حجب الاستار

لم يعلم بانك سيدتى

رعدية الامطار

من قال ان الحب يهتك الاسرار

يفضح عيون المحبين بلا انذار

لم يسمع بمثلك سيدتى

حجرية الابصار

الحب سيدتى..شعور واشعار

الحب سيدتى..نغمات قيثـــار

الحب سيدتى..اشتياق وانبهار

الحب سيدتى..اندماج وانصهار

الحب سيدتى..ليس للاحجار

فرحيلا سيدة الاحجار

فرحيلا سيدة الاحجار